Mbappe PSJ ustidan zo‘ravonlik yuzasidan shikoyat qildi

"Real" hujumchisi Kilian Mbappe "Pari Sen-Jermen" ustidan ma’naviy zo‘ravonlik bo‘yicha shikoyat qildi. Parij prokuraturasi ushbu ish bo‘yicha tergov boshladi, deb xabar bermoqda AFP.

Manbaga ko‘ra, Mbappe 2025 yilning may oyida PSJ ustidan ariza topshirgan. U 2023 yilda klub tomonidan "ma’naviy ta’qiblar" va zo‘ravonliklardan shikoyat qilgan. O‘shanda PSJ ketish istagi tufayli Kilianni mashg‘ulotlar va o‘yinlardan chetlatgan edi. Futbolchi faqat "konstruktiv muzokaralar"dan so‘ng (OAV ta’rifi) to‘pga qaytarildi.

Manbaning ta’kidlashicha, Mbappe bilan bog‘liq vaziyatdan tashqari, PSJ bilan bog‘liq bir necha holatlar qayd etilgan. 2025 yil 26 iyun kuni Parij klubiga nisbatan tergov boshlandi.