Мбаппе қанча кўп гол урса, шунча катта пул олади

“Реал” сафига кўчиб ўтган Килиан Мбаппенинг мадридликлар билан имзолаган шартномаси бандлари бўйича янги маълумотлар эълон қилинмоқда.

Хусусан, COPE нашрининг ёзишича, франциялик футболчи “Қироллик клуби”дан 30 миллион евро маош олади. Унинг ҳар бир урган голига алоҳида бонус ажратилади.

Манбага кўра, Килианнинг битимида унга бадал пули белгиланган. Мбаппенинг трансфер бадали бир миллиард евро қилиб қайд этилди.

Қолаверса, Мбаппе “Реал” ўйинчиси сифатида ўзининг тасвиридан келиб чиқадиган фойданинг 70 фоизини олади ва клуб бу ҳуқуқининг 30 фоизига эгалик қилади.

Килиан Мбапеннинг мадридликлар билан тузган шартномаси 2029 йилнинг ярмигача амал қилади.