Мбаппе “Реал”дан қанча маош сўради?

Килиан Мбаппе ўзига жамоа танлаши керак. Асосий даъвогар учта – “Пари Сен-Жермен”, “Ливерпуль” ва “Реал”.

The Telegraph нашри 25 ёшли форвард мадридликлардан қанча маош талаб қилаётгани ҳақида маълумот тарқатди.

Унга кўра, Мбаппе бир йиллик хизмат ҳақи учун 75 миллион евро сўраган. Бундан ташқари, Мбаппе клубга эркин агент сифатида бепул ўтгани учун ҳам катта миқдорда бонус талаб қилади.

Килиан Мбаппенинг парижликлар билан амалдаги битими бир неча ойдан сўнг тугайди. Парижликлар асосий тўпурарини жамоада олиб қолишга уриняпти.

Футболчининг ўзи қайси жамоани танлаши ҳақида аниқ фикр айтмаяпти. Мбаппе бир неча марта ҳали қайси жамоа учун ўйнаши борасида бир фикрга келмаганини таъкидлаган.