Мбаппе Роналду ҳақида нималар деди?

“Реал” футболчисига айланган Килиан Мбаппе “Қироллик клуби”нинг энг ёрқин юлдузларидан бўлган Криштиану Роналду ҳақида фикр билдирди.

- Мен болалигимдаги кумирим Криштиану Роналдуни ҳурмат қиламан. Энди у дшстимга айланган ва мендан маслаҳатларини аямайди. Биз доим алоқадамиз, - деди Килиан Мбаппе.

Криштиану Роналду “Реал” сафида 438 та учрашувда иштирок этиб, 450 та гол ва 131 та ассист муаллифи бўлган.

Умумий ҳисобда португалиялик юлдуз ўз юртидан ташқари Англия, Испания, Италия ва Саудия Арабистони чемпионатларида тўп тепган.

Роналду клублар миқёсидаги фаолиятида жами 1013 та учрашувда иштирок этиб, рақиблар дарвозасини 759 марта ишғол қилган, жамоадошларига 238 та голли пас узатган.

Португалия терма жамоасида 212 та учрашувда 130 та тўп киритган Криштиану Роналду ҳар икки кўрсаткич бўйича жаҳон рекордчиси ҳисобланади.