Мбаппе Суперкубокни ўтказиб юборади. Чунки...

ПСЖ ҳужумчиси Килиан Мбаппе “Нант”га қарши бўладиган Франция Суперкубоги учрашувини ўтказиб юборишга мажбур.

Журналист Адриен Грениернинг айтишича, ҳужумчи мавсум давомида сариқ карточкалар сони ортиб кетгани учун дисквалификация қилинган. Айтиш керакки, Мбаппе Франция чемпионатнинг сўнгги 10 та ўйинида 3 та сариқ карточка олди.

Эслатиб ўтамиз, "Нант" ўтган мавсумда Франция кубогини қўлга киритган бўлса, ПСЖ чемпионликни тантана қилган эди. Бу икки жамоа ўртасидаги Суперкубок июль ойи охирида бўлиб ўтиши режалаштирилган.

Олдинроқ Мбаппе «Реал»га ўтишдан бош тортган ҳолда ПСЖ билан шартномасини 2025 йилгача узайтирганди. Ҳужумчи ўтган мавсум Франция чемпионатида 28 та гол урди.