Мбаппе тарафдорлари Хаби Алонсонинг кетишида айбни Винисиусга тўнкади

Мадриднинг “Реал” клуби ҳужумчиси Килиан Мбаппе атрофидагилар ҳозирда француз футболчисини футболга эътибор қаратмайдиган ва майдон ташқарисида фаол ҳаёт кечирадиган инсон сифатида кўрсатишга уриниш бўлаётганини иддао қилмоқда.

Бу ҳақда El Chiringuito лойиҳаси орқали танилган испаниялик журналист ва бошловчи Хосеп Педрероль хабар қилди.

- Мбаппега яқин инсонларнинг менга айтишича, Мбаппе бразилиялик легионер Винисиус Хаби Алонсони жамоадан сиқиб чиқарган, деб ҳисоблайди. Кийиниш хонасидаги кўплаб бошқа инсонлар ҳам шу фикрни қўллаб-қувватлайди.

Килиан Арбелоадан ҳам хафа, чунки сўнгги “эл-класико”да Мбаппе асосий таркибда майдонга тушиширилишини кутган, аммо мураббий уни захирада қолдирган.

Бу жароҳатдан кейин асосий таркибда ўйнаган Куртуа билан боғлиқ вазиятнинг мутлақо тескариси бўлди, - деди Педрероль.

Mundo Deportivo нашрининг таъкидлашича, Мбаппе ва Винисиус ўртасидаги муносабатлар ҳеч қачон бу қадар ёмон бўлмаган. Ҳар икки футболчи ҳам “Реал”да яққол  етакчи бўлишни истамоқда.

Хаби Алонсо жамоани 2025 йил ёзидан 2026 йил январигача бошқарган.