Мбаппе тарихий ўйиндаги футболкаси қизалоғидан айрилган рақибга берди (фото)

ПСЖ ҳужумчиси Килиан Мбаппе Франция чемпионатининг 26-турида “Нант” дарвозасини ишғол қилиб, клуб тарихида энг яхши тўпурарга айланган эди.

24 ёшли тўпурар тарихий аҳамият касб этган ўйинда кийган футболкасини рақиб ўйинчиси Игнатиус Ганагога ҳадя қилди. Икки ҳафта муқаддам Ганагонинг қизчаси ҳаётдан кўз юмган эди.

23 ёшли Игнатиус Ганаго Камерун терма жамоаси ҳужумчиси ҳисбланади. Унинг беш ёшли қизи Хлоя касаллик туфайли узоқ яшамади. Хлоя Ганагонинг ягона фарзанди бўлиб, онаси билан Камерунда истиқомат қиларди.

Ганаго жорий мавсумда Франция чемпионатида 19 маротаба майдонга тушиб, рақиблар дарвозасини тўрт маротаба ишғол қилган.