Мбаппе ва Винисиус жамоадошларига “ҳақ” берди

Мадриднинг “Реал” жамоаси футболчилари яқинда шаҳардаги меҳмонлар махфийлигига алоҳида эътибор қаратиладиган нуфузли ресторанлардан бирида ёпиқ муҳитда йиғилиш ўтказишди. Унда барча футболчилар истисносиз иштирок этди.

Меҳмондорчиликнинг якуний ҳисобини жамоада энг катта маош оладиган икки футболчи – Килиан Мбаппе ва Винисиус Жуниор биргаликда тўлаб юборгани айтилмоқда.

Зиёфат бу икки юлдузга 1776 еврога тушган ва бу бутун жамоа учун анча кам чиқим бўлганидан далолат беради.

Marca нашри маълумотига кўра, узоқ давом этган ўтиришни биринчилардан бўлиб, соат 23:00 атрофида Андрей Лунин, Антонио Рюдигер, Арда Гюлер ва Ферлан Менди тарк этган. Улардан ярим соатдан кейин Федерико Вальверде ва Эдер Милитао кетган.

Винисиус ва Мбаппе ресторанни тунги соат бир яримлар атрофида тарк этган бўлса, энг охирги мижоз – Рауль Асенсио ўрнидан турганида соат миллари 2:50ни кўрсатаётган эди.