Мбаппе яна бир рекорд ўрнатди

"Реал Мадрид" ҳужумчиси Килиан Мбаппе Чемпионлар лигасининг 2-турида "Қайрат" (5:0) дарвозасига уч марта йўл топиб, хет-трикка эришди.

Бу натижа 26 ёшли футболчини клуб тарихига киритди. Мбаппе Европа қитъасининг энг нуфузли мусобақасида "Реал"нинг дастлабки учта голини урган илк футболчига айланди, деб хабар берди "Opta" нашри.

Маълумот учун, Килиан жорий мавсум клуб сафида 9 та учрашувда майдонга тушиб, 13 та гол ва 1 та голли узатма муаллифи бўлди. Шунингдек, франциялик ҳужумчи 5 та гол билан турнирнинг янги мавсумида тўпурарлар рўйхатида пешқадамлик қилмоқда.