Мбаппе янги аср рекордини ўрнатди

Испания чемпионатининг 35-турида “Барселона” футболчилари ўз мухлислари кўз ўнгида ашаддий рақиб – “Реал” устидан 4:3 ҳисобида зафар қучди.

Аслида бу баҳсда рақиб ҳужумчиси Килиан Мбаппе мезбонлар дарвозасини беш бор ишғол қилганди. Лекин франциялик тўпурарнинг иккита голи оффсайд туфайли инобатга олинмади.

Шунга қарамай, Мбаппенинг хет-триги унга янги аср рекордини олиб келди. Килиан XXI асрда “эл класико”ларда каталонияликлар дарвозасини уч бор ишғол қилган “Реал”нинг биринчи футболчиси бўлди.

Мбаппегача бу ишни чилилик форвард Иван Самарано уддалаган бўлиб, у ўтган асрда – 1995  йили январдаги “эл класико”да “Барса” дарвозини уч бор аниқ нишонга олган.

“Барселона” фуболчилари бу борада анча самарали ҳисобланади. Ҳозирги асрдаги “эл класико”ларда Лионель Месси икки марта ва Луис Суарес бир бор хет-трик қайд этган. Айни пайтда бу икки юлдуз АҚШнинг “Интер Майами” жамоаси шарафини ҳимоя қиляпти.