Мбаппега “Реал”нинг иши ёқмади

ПСЖ ҳужумчиси Килиан Мбаппе фаолиятини қайси жамоада давом эттириш бўйича бир қарорга келишидан аввал, барча вариантларни пухта ўрганиб чиқмоқчи.

Хусусан, 25 ёшли футболчи олдида Англия Премьер-лигасига йўл олиш варианти ҳам бор, - деб хабар тарқатди The Times нашри.

Манбага кўра, “Реал”нинг Килиан Мбаппега бир қарорга келиш бўйича муддат қўйгани ёқмаган. Мадридликлар франциялик футболчига январнинг ярмигача қарор қабул қилиш кераклигини уқтирган.

Мбаппе ўз яқинларига “Реал” унинг тақдирини босим ўтказиш орқали ҳал қилишига йўл қўймаслигини таъкидлаган.

Ҳозирча, Килианнинг танлови қандай бўлиши маълум эмас. ПСЖ уни олиб қолиш учун барча имкониятларини ишга солмоқда.