Мбаппени нималар кутмоқда?

ПСЖ бош мураббийи Кристоф Галтье жамоанинг етакчи ҳужумчиси Килиан Мбаппенинг келажаги ҳақида илиқ фикрларини билдирди.

- Килиан клуб учун 200-голини уриб, рекорд ўрнатди. Ҳа, биз ҳали ҳам Эдинсон Каваниннг натижаларини эслаймиз. Лекин Мбаппе унинг натижаларини янгилайди.

Мен Мбаппе дунёнинг энг зўр ҳужумчисига айланишига ишонман. Килиан жуда тез югуради, умуман олганда, у ҳамма нарсада тезкорлик кўрсатади ва муҳим учрашувни ҳал қилишни билади, - деди Кристоф Галтье.

Килиан Мбаппе ўтган йили ёзда ПСЖ билан янги битим тузиб, 2025 йилнинг ярмигача пойтахтда қолишга қарор қилганди. Лекин кейинчалик 24 ёшли футболчи танловидан пушаймон экани ҳақида хабарлар кўпайиб кетди.