Мбаппенинг аҳволи яхши эмас

“Реал” бош мураббийи Хаби Алонсо тиззасидан жароҳат олиб, сафдан чиққан жамоа етакчи ҳужумчиси Килиан Мбаппенинг соғлиғи ҳақида фикр-мулоҳазаларини билдирди.

- Биз олдиндан белгиланган режа асосида ҳаракат қиламиз. Кўп нарса футболчининг жисмоний ҳолатига боғлиқ ва бизнинг вазифамиз – унинг энг мақбул муддатларда майдонга қайтиши учун бор имкониятни ишга солиш. Бу аниқ қачон содир бўлишини айтиш қийин. Ҳозир менда аниқ жавоб йўқ.

Келаси ўйин олдидан ўтадиган матбуот анжуманида янада аниқ маълумот бероламан. Ҳар бир учрашувдан кейин футболчининг ҳолатини қайта баҳолаймиз, унинг ҳис-туйғуларини инобатга оламиз ва шундан сўнг тегишли қарорларни қабул қиламиз.

Тикланиш жараёнини диққат билан кузатиш жуда муҳим, ва биз имкони борича Мбаппенинг тезроқ қайтиши учун барча кучимизни сафарбар қиламиз, - деди Алонсо.

27 ёшлм франциялик тўпурар жорий мавсумда барча турнирларда 24 та учрашувда иштирок этиб, рақиблар дарвозасини 29 маротаба ишғол қилган ва жамоадошларига бешта голли пас узатган.