Мбаппенинг трансфери тасдиқланди

Испания Ла Лигаси президенти Хавьер Табас “Пари Сен-Жермен” ва Франция терма жамоаси ҳужумчиси Килиан Мбаппенинг “Реал”га трансферини тасдиқлади.

- Мбаппе келаси мавсум Мадридда бўлади. У жаҳоннинг энг зўр ўйинчиларидан бири. “РЕал”да Винисиус Жуниор ва Жуд Беллингем ҳам бор. Мадридда ажойиб жамоа барпо этилмоқда. Лекин бу уларнинг миллий чемпионатда ғолиб чиқишига ҳеч қандай кафолат бермайди, - деди Хавьер Тебас.

Килиан Мбаппе Франция мураббийлари ва футболчилари касаба уюшмаси талқинига кўра, чемпионатнинг энг яхши ўйинчиси сифатида эътироф этилди.

Европадаги манбалар ПСЖдан кетишини расман эълон қилган 25 ёшли футболчи “Реал” билан 2029 йилнинг ярмигача давом этадиган шартнома тузиб бўлганини ёзмоқда.