Mbёmo "Manchester Yunayted"dagi ilk mavsumiga baho berdi

"Manchester Yunayted" hujumchisi Brayan Mbyomo klubdagi debut mavsumi haqida fikr bildirdi.

Yakshanba kuni “qizil iblislar” o‘z maydonida “Nottingem Forest”ni 3:2 hisobida mag‘lub etdi. Kamerunlik futbolchi uchrashuvning 76-daqiqasida g‘alaba golini urdi.

"Old Trafford"dagi qanday ajoyib birinchi mavsum! Yo‘l davomida ko‘tarilishlar ham, qiyin pallalar ham bo‘ldi. Lekin maqsadimiz doimo bir xil edi va biz unga futbolchilar, murabbiylar shtabi hamda muxlislar bilan birgalikda erishdik.

Barchangiz bilan tanishganimdan juda xursandman va bu hali faqat boshlanishi. Kelasi mavsumda ko‘rishamiz", — deb yozdi 26 yoshli futbolchi ijtimoiy tarmoqlarda.

Eslatib o‘tamiz, Brayan Mbyomo o‘tgan yilning iyul oyida "Brentford"dan “Manchester Yunayted”ga 75 million yevro evaziga ko‘chib o‘tgan edi.

U joriy mavsumda manchesterliklar safida 33 ta o‘yinda 11 ta gol va 3 ta assist qayd etdi.