Меҳди: "Ўзбекистон олдинги ўйинда ҳам яхши ўйин кўрсатган эди"

Эрон терма жамоасининг ҳужумчиси Меҳди Ҳашемнежад Ўзбекистон миллий терма жамоамизга қарши финал учрашувидан аввал ўз фикрлари билан ўртоқлашди. 
 
— "Финал учрашувига тайёрмисиз?" 
— Ҳа. 
 
Биз бўлажак ўйинга жуда яхши тайёрландик. Шу боис, финалда яхши ўйин кўрсатиб, мухлисларимизни хурсанд қилмоқчимиз. 
 
Ўзбекистон билан охирги учрашувимизда биз 10-дақиқадан кейин ўн киши қолдик. Ўзбекистон олдинги ўйинда ҳам яхши футбол ўйнаётганини кўрсатди. Ишончим комилки, ўйин қийин бўлади, лекин биз Эрон терма жамоасимиз ва ажойиб футболчиларимиз бор. Назаримда, яхши вазиятлар ярата оламиз. 
 
Биз Миср финалга чиқади деб ўйлагандик, лекин яна Ўзбекистон билан ўйнаймиз. Муҳими, бу ўйинда ўзимизни қандай кўрсатишимиз. Шунингдек, Ўзбекистон терма жамоаси ҳам Жаҳон чемпионатида ўйнайди, шу сабаб бўлажак тўқнашув қизиқарли бўлади. 
 
Энг муҳими – мураббий айтган нарсаларни қилайлик, заиф томонларимизни тузатиб, натижага интилайлик. Чемпионликни қўлга киритиш биз учун муҳим", - деди Трактор клубининг футболчиси.