Мексика президенти Эрон терма жамоаси билан боғлиқ вазиятга изоҳ берди

Мексика президенти Клаудия Шейнбаум 2026 йилги Жаҳон чемпионати вақтида Эрон терма жамоасининг нега Мексикада жойлашиши ҳақида фикр билдирди.

Аввалроқ Эрон футбол федерацияси президенти Меҳди Тож жамоа йиғини АҚШдан Мексикага кўчирилганини маълум қилган эди.

"АҚШ Эрон терма жамоасининг ўз ҳудудида бўлишини истамади. Шунинг учун улар бизга мурожаат қилиб: “Мексикада базалашишимиз мумкинми?” деб сўрашди. Биз эса: “Ҳа, ҳеч қандай муаммо йўқ”, деб жавоб бердик, — деди Шейнбаум.

Маълумот учун, мундиал 11 июндан 19 июлга қадар АҚШ, Канада ва Мексикада бўлиб ўтади.