Мексика терма жамоаси етакчиси ёзда "Атлетико"га ўтади

"Порту" ярим ҳимоячиси Эктор Эррера "Атлетико"нинг қизиқишлар доирасига кириб қолди.

AS нашри тарқатган хабарга кўра 28 ёшли мексикалик футболчи “матрасчилар” сафига мавсумлар оралиғида кўчиб ўтади. Томонлар бу борада ўзаро келишувга эришиб бўлишган.

Маълумот учун, Эррера “Порту” сафида 2013 йилдан буён тўп суриб келмоқда. У жорий мавсум жами 42та ўйинда иштирок этиб, ўз ҳисобига 7та гол ҳамда 2та голли узатма ёздириб қўйишга эришди.