Мен “Челси”дан кетмайман

“Челси” ҳужумкор футболчиси Раҳим Стерлинг жамоа мавсумни барбод қилгани ва келаси йили Чемпионлар лигасида қатнашмаслигига қарамасдан, клубни тарк этмаслигини маълум қилди.

Халқаро мусобақалардан четда қолган “Челси” раҳбарияти ёзда таркибда катта тозалаш ишларини ўтказади. Янги бош мураббийга айнан мана шу ваколат берилади.

Айни пайтда жамоани Маурисио Почеттино бошқариши кутиляпти. Клуб хўжайинларига аргентиналик мутахассиснинг ғоялари маъқул келган.

Раҳим Стерлинг Почеттино билан бирга ишлаш истагида жамоада қолишга қарор қилди. Англия терма жамоаси ўйинчиси “аристократлар” сафига ўтган йили ёзда қўшилганди. Бу футболчи учун “Челси” мутасаддилари “Манчестер Сити”га 51 миллион евро миқдорида бадал пули тўлаган.

Стерлинг янги жамоасида Англия Премьер-лигаси доирасида 25 та учрашувда майдонга тушиб, тўртта гол ва учта ассист қайд этди.

Фикрлар

Фикр қолдириш учун авторизациядан ўтинг!