Мен ҳам “Реал”да ўйнашни истайман!

Лондоннинг “Челси” клуби ярим ҳимоячиси Энцо Фернандес Мадриднинг “Реал” жамоасига ўтишга қизиқяпти. Бу ҳақда таниқли журналист Бен Жейкобс маълум қилди.

Манбага кўра, аргентиналик ярим ҳимоячи “Челси”ни тарк этиб, яқинда собиқ жамоадоши Марк Кукурелья ҳам шартнома имзолаган “Реал” сафига қўшилиш истагини очиқча билдирди.

Шу билан бирга, “Челси” раҳбарияти вазиятга хотиржам муносабатда бўлиб, муносиб таклиф тушса футболчини сотиш вариантини кўриб чиқишга тайёр. Лондон клуби 25 ёшли футболчини 120 миллион фунт стерлинг (тахминан 139 миллион евро) миқдоридаги суммага қўйиб юборади.

Хабар қилинишича, ҳозирда “Реал” ёзги трансферлар ойнасида қайси ярим ҳимоячини харид қилиш бўйича қарор қабул қилмоқда. Энцо Фернандесдан ташқари, мадридликлар Матеуш Фернандеш ва Родри номзодларини ҳам кўриб чиқмоқда.

Эслатиб ўтамиз, Энцо Фернандес 2023 йил январь ойида “Бенфика”дан “Челси”га ўтган эди. У Аргентина терма жамоаси сафида 2022 йилги жаҳон чемпиони ва Америка кубоги ғолиби ҳисобланади.