Мен керагидан ортиғини қиляпти! Неймар “Сантос” мухлиси билан жанжаллашди

“Сантос” клубининг энг машҳур ҳужумчиси Неймар Жанубий Америка кубоги ўйинидан кейин жамоа мухлислари билан тортишиб қолди.

Бразилия клуби Парагвайнинг “Депортиво” жамоаси билан дуранг 1:1 ҳисобида дуранг ўйнади. Неймар “Сантос”нинг ягона голини урди.

Ўйиндан сўнг мухлислар жамоа ўйинчилари ва раҳбариятга қарши норозилик акцияси ўтказди.

Фанатлар “шарманда жамоа” ва “сизлар “Сантос” футболкасини ҳурмат қилишингиз керак”, деб ҳайқиришди.

Неймар мухлислардан бири билан тортишиб, унга ўзи ҳам ёмон жисмоний ҳолатда эканини ва жим туришини, ҳурмат кўрсатишини айтди.

-  Мухлисга менга қилган муносабатига яраша жавоб қайтардим. Ўйинимиз учун танқид қиладиган мухлисларни тушунаман, аммо кимдир шахсиятга ўтса, мен бунга тоқат қилмайман.

Мен керагидан кўпроқ иш қиляпман ва менга бундай муносабат қилиш тўғри эмас.

Мени майдондаги ҳаракатларим учун танқид қилиб бўлмайди, демоқчи эмасман. Аммо майдондан ташқаридаги ҳолатим учун бундай муносабатга тоқат қилмайман.

Айрим мухлислардан эшитганларим мени хафа қилди. Гап менинг ўйиним ҳақида эмас, балки шахсим ҳақида, ОАВ ёзаётганлари, матбуотда чиқаётган гаплар ҳақида эди.

Мухлислар чегарадан ошиб кетишмоқда, улар мени ҳақорат қилишмоқда ва бу мени хафа қилади.

Мен бу клуб учун ҳаётимни бағишлайман, керагидан кўпроқ иш қиламан ва бундай муносабатга тоқат қилмайман, - деди Неймар Globo нашрига берган интервьюсида.

34 ёшли Неймарнинг “Сантос” билан шартномаси 2026 йил охиригача амал қилади. Юлдузнинг ўзи эса, жисмоний формаси ва ўйинини кучайтириб, жаҳон чемпионатида қатнашиш учун Бразилия терма жамоасига киришга ҳаракат қилмоқда.