Мен Роналдудан зўрман, мендан яхши фақат битта футболчи бор

“Челси” ва “Реал”нинг собиқ футболчиси Эден Азар футбол иқтидори бўйича ўзини Криштиану Роналдудан устун қўйди ва Лионель Мессига тан берди.

- Футбол иқтидори нуқтаи назаридан қайси ўйинчи мендан зўр? Индивидуал томондан фақат Лионель Месси. Менга унинг “Барселона”даги ўйинларини кузатиш ёқарди. Лео жаҳон футболи тарихидаги буюк футболчи. Мессидан тўпни олиб қўйиш имконсиз.

Криштиану Роналду менга нисбатан жисмоний томондан бақувват, лекин футбол ўйнаш борасида мендан зўр, деб ўйламайман, - деди Эден Азар.

Бельгиялик ҳужумкор футболчи 2023 йилнинг ёзида “Реал” билан шартномаси якунланганидан кейин октябрь ойида футболчилик фаолиятини якунлаганини эълон қилди.