Meni “Real”ga olib ketinglar!

PSJ himoyachisi Ashraf Hakimi o‘zini tarbiyalagan “Real”ga qaytishni istamoqda,  deb xabar tarqatdi Defensa Central nashri.

O‘ng qanot himoyachisi bo‘lgan Hakimini PSJdagi vaziyat qoniqtirmayapti. Afrikalik futbolchiga janubiy amerikalik o‘yinchilarning munosabati yoqmayapti. Shu bois, u muhitni o‘zgartirishga qaror qilgan.

Ashraf Hakimi ilgari ancha yosh bo‘lgani uchun “Qirollik klubi”ning asosiy tarkibiga kira olmagan. Zinedin Zidan uni ikki mavsumga “Borussiya”ga ijaraga jo‘natdi. Keyinchalik “Inter” safiga qo‘shilgan Hakimi o‘tgan mavsumda Italiya chempioni bo‘ldi. Milanliklar moliyaviy muammolar sababli Ashrafni PSJga sotib yuborgandi.