Мени “Реал”га олиб кетинглар!

ПСЖ ҳимоячиси Ашраф Ҳакими ўзини тарбиялаган “Реал”га қайтишни истамоқда,  деб хабар тарқатди Defensa Central нашри.

Ўнг қанот ҳимоячиси бўлган Ҳакимини ПСЖдаги вазият қониқтирмаяпти. Африкалик футболчига жанубий америкалик ўйинчиларнинг муносабати ёқмаяпти. Шу боис, у муҳитни ўзгартиришга қарор қилган.

Ашраф Ҳакими илгари анча ёш бўлгани учун “Қироллик клуби”нинг асосий таркибига кира олмаган. Зинедин Зидан уни икки мавсумга “Боруссия”га ижарага жўнатди. Кейинчалик “Интер” сафига қўшилган Ҳакими ўтган мавсумда Италия чемпиони бўлди. Миланликлар молиявий муаммолар сабабли Ашрафни ПСЖга сотиб юборганди.