Мераб Двалишвили ноябрда ҳам жанг қилишга тайёр!

Грузиялик UFC жангчиси Мераб Двалишвили жорий йил ноябрь ойида яна октагонга қайтишга тайёр эканини билдирди.

"Ўтган йили жуда зич жадвалда жанг қилганимдан афсусланмайман. Мағлубиятга қарамай, ўзимдан мамнунман. Ҳаммаси яхши, бу спортнинг бир қисми. Лекин Пётр Янни трилогияда енганимдан икки ой ўтиб, яна россияликка қарши жанг таклиф этилса, бу сафар рози бўлмайман. Чунки у билан баҳсга тайёргарлик кўриш учун менга кўпроқ вақт керак. Қолган рақиблар билан эса жанг қилишга тайёрман. Масалан, ноябрда Нью-Йоркдаги турнирда Сонг Ядонг билан тўқнаш кела оламан", — дея Мерабнинг сўзларини келтирди "MMA Fighting" нашри.

Эслатиб ўтамиз, бугун Двалишвили ва Пётр Ян тўқнашуви ўтказилиши белгиланган.