Мераб Двалишвили: "Пётр Ян шунчаки вақтни чўзмоқда"

Грузиялик ММА устаси Мераб Двалишвили россиялик Пётр Янга қарши принципиал трилогияни интизорлик билан кутмоқда.

"Яндан ҳозирча ҳеч қандай хабар йўқ. Менимча, у жанг қилишни хоҳламаяпти. Аввалроқ эса ҳаммамиз унинг интервьюсини кўргандик. Пётр июнь ойида Оқ Уйда октагонга чиқишга тайёрлигини айтганди, аммо UFC аллақачон июль кардини ҳам эълон қилди. Яқинда августникини айтишади. Дана эса ҳозирча жим. Мен фақат Ян билан жанг қилишимни биламан, лекин қачонлиги номаълум. Пётр шунчаки вақтни чўзаётганга ўхшайди", - деди грузиялик жангчи "MMA Fighting" нашрига берган интервьюсида.

Эслатиб ўтамиз, Двалишвили ва Ян ўртасидаги реваншда Россия вакили ҳакамларнинг якдил қарорига кўра зафар қучиб, ўта енгил вазнда чемпионга айланганди.