Мераб Двалишвили UFC нинг супер юлдузи билан машғулот ўтказмоқчи

61 кг да UFC чемпиони Мераб Двалишвили ирландиялик юлдуз Конор Макгрегор билан бирга тайёргарлик кўришни истамоқда.

“Кузатишим бўйича, Макгрегор ҳақиқатан ҳам фаолиятини тиклашга мотивация топган. Хитойда бўлганимда, Конорнинг дўстлари билан учрашдим. Улар Макгрегорга қўнғироқ қилишди ва телефонни менга узатишди. Конор: "Бирга машқ қилсак бўладими?" деб сўради. Мен эса: "Албатта, хоҳлайман", дедим. Ҳозирда менга жанг тайинланган, шу сабаб лагеримни тарк этмайман. Кори Сэндхаген билан тўқнашувдан сўнг, йил якунига қадар яна бир жанг ўтказишни истардим. Кейин эса Конор билан машғулот залига боришим мумкин. Умид қиламан, ҳаммаси яхши бўлади. Мен ирланд учун хурсандман ва уни UFC нинг Оқ уйдаги турнирида кўришдан умидворман”, — деди Двалишвили "Sportskeeda" нашрига.

Маълумот учун, Конор "UFC 264" турнирида Дастин Порьедан 1-раундда техник нокаутга учраганидан буён, октагонда кўриниш бермади.