Мераб Двалишвилини UFC машғулотлар базасига нега киритишмади?

Ўта енгил вазн тоифасида UFC чемпиони Мераб Двалишвили (18-4) кутилмаган ҳолатга дуч келди. Аниқроғи, хавфсизлик хизмати ходимлари унга UFC нинг машғулотлар базасига кириши учун рухсат бермади. Бунга базада россиялик жангчи Умар Нурмагомедов (18-0) шуғулланаётгани  сабаб қилиб кўрсатилган. 

“Хавфсизлик ходимлари Умарни ҳимоя қилмоқда...Бундай ҳурматсизлик учун Нурмагомедовдан қасос оламан. Бу йигит 18 январь куни ўзига муносиб бўлган нарсани олади” — деди Двалишвили Х (собиқ Twitter) ижтимоий тармоғига жойлаган видеосида.

Эслатиб ўтамиз, грузиялик спортчи навбатдаги жангини 18 январь куни Лос-Анджелесдаги "UFC 311" турнирида ўтказади. Унга мағлубиятсиз серия қайд этаётган Умар Нурмагомедов рақиблик қилиши режалаштирилган.