Мерабни тўхтатиш мумкинми? Пантожа ёш рақибини таъзирини берармикин? Гуськов Блаховични нафақага чиқариб ташлайдими? Қардошимизга нима бўлади?

Хабарингиз бор, эртага Ўзбекистон вақти билан 04:00 да "UFC 323" турнири старт олади. Супер жангларга тўлган мазкур кечани барча интиқлик билан кутмоқда. Келинг, 2025 йилдаги сўнгги "PPV event"и ҳисобланган мусобақанинг аҳамиятга молик жангларни таҳлил қиламиз.

Дастлаб, оқшмонинг марказий тўқнашуви: Мераб Двалишвили - Пётр Ян қарама-қаршилигига эътибор қаратамиз. Улар аввал ҳам октагонда жанг қилишганидан хабарингиз бор. Ўша баҳсда гурзиялик ҳакамларнинг якдил қарори билан ғалабага қозонган эди. Двалишвили UFC тарихида энг кўп тейкдаун амалга оширишган жангчи ҳисобланади - 117 та. Улардан 49 таси Янга қарши илк жангда содир бўлган. Россиялик уларнинг 19 тасидан муваффаққиятли ҳимоялана олганди. Бу статистикадан кўп нарсани билиш олиш мумкин. Мераб UFC даги энг ҳужумкор жангчи ҳисобланади, у олдинга ўтгани йиртқич ҳайвон мисоли ўлжасига ташланади, қаршисидагини ҳолдан тойдириб юборади. Энергияси ҳам жуда баланд. У хоҳ октагондан ташқарида бўлсин, хоҳ ичида, ҳатто раундлар орасида бошқа жангчилар сув ичиб, нафас ростлаб олишса, Мерабни сакраётган алпозда кўрасиз. Гўё бироз аввал жанг қилмагандек. UFC да унинг лақаби - "кардио машина". UFC га кўтарилиши икки мағлубият билан бошланган эрса-да, 14 баҳсдан буён ғалабали серия қайд этмоқда. Ўтган йили чемпионига айланган грузин бу йил 3 бор камарини мувафаққиятли ҳимоя қилди ва тўртинчи ҳимоя жангида ҳам фаворит бўлиб турибди.

Иккинчи марказий тўқнашувда эса супер енгил вазн қироли Александр Пантожа бешинчи бор камарини ҳимоя қилади. У ҳам ўз вазнида Мераб каби рақибларни "тозалаб ташлаган". Ҳамма билан икки-уч бор жанг қилиб чиқди. Шунинг учун бу сафар қаршисидаги рақиби сунъий иширилди. Ван июнь ойидаги икки жанг ғалабасидан кейин вазн тоифасида биринчи ўринга чиқиб, титул имкониятига эга бўлди. У Брендон Ройвал ва Бруно Силва каби рақибларидан олдин номдор жангчиларга қарши октагонга чиқмаган эди.

Александр Пантожа профессионал ММА карьерасида ҳеч қачон муддатдан аввал енгилмаган, беш мағлубиятининг барчаси ҳакамлар қарори билан бўлган. Ўзи эса 35 жангининг 20 тасида рақибларини финиш қилган. Шунингдек, бу вазнда 35 ёш ва ундан катта жангчилар орасида ягона чемпион. Ван ҳозир нафақат ўз вазнида, балки бутун UFC да зарбаларнинг аниқлиги борасида 82 % натижа билан етакчи бўлиб турибди. Бу курашда исталган "дайди" зарба Пантожани ухлатиши мумкин, лекин бунинг эҳтимоли жуда кам. Барибир бразилиялик жангчи катта фарқ билан фаворит ҳисобланади.

Асосий карднинг очилиш жанги учун Дана Уайт яхши юриш амалга оширган: ҳамюртимиз Богдан Гуськов собиқ чемпион Ян Блаховичга қарши! 42 ёшга кирган тажрибали жангчи бу баҳснинг фаворити ҳисобланади. Лекин ортидан бутун Ўзбекистоннинг мухлислар қўшини қўллаб-қувватловини ҳис қилаётган Гуськов сенсация амалга ошириши мумкин. Шояд шундай бўлса, польшалик жангчи фаолиятини якунлаб юборса ҳам бўлаверади. Бу ёшдан кейин чемпионликка умид қилмаса керак. Шундай деябмиз-ку, лекин 42 ёшда ҳам қирчиллама эканини унутмаслик лозим, зеро шунинг учун ҳам у мазкур баҳс фаворити дейиляпти. Рақиби (яъни Богдан) профессионал ММА фаолиятида 18 ғалабага эришган бўлса, барчасида финиш амалга оширган (Футболда шундай ибора бор, "керак бўлса, рақибингни ҳакамларга қўшиб  ют." Гуськовнинг натижалари эса бу иборанинг UFC да вужуд топмиш ҳоли саналади. Зеро UFC ҳакамлиги билан боғлиқ муаммолар етарлича эканлиги барчамизга аён).

Ян Блахович партерда ҳам, "стойка" да ҳам хавфли жангчи ҳисобланади. Бироқ Богдан курашда у қадар кучли эмас, гарчи "стойка"да хавфли бўлса-да. Агар жанг партерга ўтса, ҳамюртимизнинг ғалаба эҳтимоли камаяди. Шу боис фаворит сифатида Блахович қараляпти. Унинг UFC оламида катта ном эканлигини ҳам унутмаслик керак, лекин "бурулиш нуқтаси" деган атама ҳаётда ҳам, барча спорт турларида ҳам бир инсоннинг ҳаёт ҳикоясини чиройлилаштириб берган. Ана шу гўзал ҳикоянинг жонли гувоҳига айланиш учун ҳам бутун Ўзбекистон Богданнинг ортида!

Прелим кардда ҳам эътиборга молик бир жанг мавжуд. Бу - Ибо ва Иво ўртасида бўлиб ўтади. Қардошимиз учун бу тўқнашув ё тамом, ё давом жанги саналади. Туркиялик жангчининг эски шартномаси ушбу баҳс тугагач ниҳоясига етади. Дана Уайтнинг янги шартнома бериши учун Ибо супер жанг ўтказиб, ғалабага эришиши лозим. Иво эса Блаховичнинг жамоадоши эканини биласиз. Польшалик жангчи профессионал ММА карьерасида олти бор октагонга кўтарилиб, барчасида зафар қучган. Ёш борасида ҳам Ибодан икки ёш кичик, бироқ Ибонинг мушти Ивоникидан кўра қаттиқроқ, шу боис бу жангда кичик устунлик Ибо тарафида!

UFC оламидаги барча янгиликларни "Sports.uz" сайти билан кузатиб боринг.

Азизбек ҒОЗИЙ тайёрлади