Месси, пенальти тепишни Роналдудан ўрган!

Саудия Арабистони Профессионал лигасининг 14-турида “Ан-Наср” жамоаси “Ал-Уҳдуд” билан куч синашиб, 3:1 ҳисобида иродали ғалабага эришди.

Риёдликлар ҳужумчиси Садио Мане ўйинда дубль қайд этган бўлса, Криштиану Роналду пенальтини аниқ бажарди.

2025 йилдаги дастлабки голини урган 39 ёшли португалиялик юлдуз фаолияти давомидаги пенальтилари сонини 202 тана етказиб олди. Роналду шу зарбалардан 171 тасини дарвоза тўрига аниқ жойлаган.

Криштианунинг доимий рақобатчиси Лионель Месси 11 метрлик нуқтадан зарба бериш бўйича бироз паст кўрсаткич қайд этган. "Интер Майами"да ўйнаб келаётган аргентиналик юлдуз фаолияти давомида 140 марта нуқтага яқинлашиб, 109 та гол урган.

Эслатиб ўтамиз, Криштиану Роналду жаҳон футболидаги расмий учрашувларда энг кўп тўп киритган футболчи ҳисобланади ва у умумий голлари сонини 917 тага етказиб олди.