Messi Angliya chempionatida to‘p suradi
Agar "Barselona" tez orada o‘z etakchisi Lionel Messi bilan yangi shartnoma borasida kelishib olmasa, "Manchester Siti" argentinalik superfutbolchini Angliya chempionatiga olib ketadi.
Ma’lumotlarga qaraganda, "Manchester Siti" rahbariyati Lionel Messini qo‘lga kiritish uchun jiddiy harakatlarni boshlagan va bu borada har qanday xarajatga tayyorligini ma’lum qildi.
"Manchester Siti" xo‘jayinlari "Oltin to‘p"ning besh karra sohibini transfer qilish uchun "Barselona"ga 200 million funt sterling to‘lashga va futbolchining o‘ziga haftasiga 500 ming funt to‘lashga rozilik bildirdi.
Ayni paytda "Barselona" Messini 2018 yili tugaydigan amaldagi shartnomasini uzaytirishga ko‘ndira olmayapti. Leo ham aslida Kataloniyada qolishni xohlayotgani yo‘q.
"Manchester Siti" rahbarlari "Barselona"ni argentinalik futbolchini qo‘yib yuborishga, Messini esa Angliya ko‘chib kelishga ko‘ndira olishiga ishonishmoqda. Ular buni katta pul evaziga emas, balki bosh murabbiy Xosep Gvardiola orqali amalga oshirishmoqchi.
Fikrlar