Месси Аргентина иштирокидаги навбатдаги баҳсда иштирок этмаслигини тасдиқлади

"Интер Майами" ҳужумчиси Лионель Месси Аргентина терма жамоасининг навбатдаги ўйинида иштирок этмаслигини ўзи маълум қилди.

38 ёшли футболчи бугун ЖЧ-2026 саралаш босқичидаги Венесуэлага қарши ўйинда (3:0) иккита гол урди. Финал ҳуштаги чалингач, Месси аргентиналик мухлислар билан хайрлашди, чунки бу учрашув унинг терма жамоа сафида ватанида ўтказган сўнгги ўйини бўлиши кутилмоқда. Шунингдек, Лео Эквадорга қарши сафардаги ўйинга бормаслигини айтди.

- Мен Скалони билан суҳбатлашдим ва Эквадордаги кейинги ўйинга бормаслигим ҳақида келишдик. Яқинда жароҳатдан тузалганман. Ҳозир ўзимни яхши ҳис қилаётган бўлсам-да, қўшимча сафарлар ва зўриқишлардан қочишни маъқул кўрдик. Ҳозир дам олишим керак, олдинда "Интер Майами" учун муҳим ўйинлар бор, МЛС мавсуми якунланмоқда. Умид қиламанки, мен тайёр бўламан, - деди Месси "ТNТ Sports"га берган интервьюсида.