Месси “Барселона”ни менсимай қўйди

ПСЖ ҳужумчиси Лионель Месси “Барселона” президенти Жоан Лапорта томонидан бўлаётган қўнғироқларнинг бирортасига жавоб қайтаргани йўқ.

Каталония клуби аргентиналик юлдузни январь ойида ортга қайтармоқчи бўлаётган эди. Мессининг улар билан алоқага чиқмаётгани бу трансферни барбод қилиши мумкин.

Маълумотларга қараганда, 35 ёшли тўпурар АҚШ чемпионатига йўл олиши кутилмоқда. Ҳозир Лео “Интер Майами” вакиллари билан музокара олиб боряпти.

Аввалроқ, Лионель Месси Жоан Лапортадан хафа экани ва улар бир йилдан буён мулоқот қилмаётгани ҳақида хабарлар тарқатилганди.

Месси жорий мавсумда барча турнирларда 17 маротаба майдонга тушиб, 12 та гол ва 13 та ассист қайд этди.