Месси бу жамоага аниқ ўтмайди!

Лионель Месси Қатардаги жаҳон чемпионатида жавлон ураётган бир пайтда аргентиналик ҳужумчи келаси мавсумни “Интер Майами” жамоасида бошлаши ҳақидаги хабарлар тарқалиб кетди.

Бунга 35 ёшли футболчининг вакили Марсело Мендес муносабат билдирди.

Маълумотларга қараганда, Мендес Мессининг АҚШ чемпионатига бориши ҳақидаги хабарларнинг барини инкор қилган.

Месси “Интер Майами”га ўтадими? Бу ёлғон, фейк хабар. Леонинг “Интер Майами”га ўтиши бўйича ҳеч қандай музокара ўтказилмаган, - деди Марсело Мендес CNN журналистларига.

Лионелнинг ПСЖ билан келишуви мавсум охирида якунланади. У фаолиятини қайси жамоада давом эттириши футбол мухлисларининг аксарияти қизиқтиряпти.