Месси: Бу ўзига хос учрашув бўлади, мен ҳеч қачон Англия терма жамоасига қарши ўйнамаганман

Аргентина терма жамоаси сардори Лионель Месси 2026 йилги жаҳон чемпионати ярим финалида Англияга қарши баҳс унинг ёрқин карьерасида алоҳида саҳифа бўлишини таъкидлади.

«Бу мен учун ўзига хос, ноёб палла бўлади, чунки мен ҳали ҳеч қачон Англия терма жамоасига қарши майдонга тушмаганман. Улар жуда кучли жамоа, катта футбол мамлакати. Бундай рақибларга қарши ўйин ҳар доим ҳаяжонли кечади», – дея Мессининг сўзларини келтиради AS нашри.

Аргентина ва Англия терма жамоалари охирги бор 2005 йил 12 ноябр куни ўртоқлик учрашувида тўқнаш келган. Женевада ўтган ўша баҳсда англичанлар 3:2 ҳисобида ғалаба қозонган. Аммо ўша пайтда 18 ёшда бўлган Лионель Месси ўйинга жалб этилмаган эди.

Жаҳон чемпионати–2026нинг иккинчи ярим финали Англия – Аргентина учрашуви бугун, 15 июль куни Атланта шаҳрида бўлиб ўтади. Беллашув соат 00:00 да старт олади.