Месси фаолиятида бунақаси бўлмаган

“Интер Майами”даги фаолиятини жуда ёрқин бошлаган Лионель Мессига клуб тарихидаги энг зўр тўпурарлар тўртлигига қўшилиши учун атиги тўртта ўйин кифоя қилди.

Аргентиналик юлдуз АҚШ жамоасига келганидан кейин дебют баҳсида “Крус Асуль” дарвозасини бир марта ишғол қилди. Кейин кетма-кет учта ўйинда “Атланта”, “Орландо” ва “Даллас” жамоаларига иккитадан гол урди.

Тўртта учрашувда еттита гол урган Месси “Интер Майами” тарихидаги тўпурарлар қаторига қўшилди. Бу рўйхатда биринчи ўринни 29 та гол билан аргентиналик юлдузлардан бири Гонсало Игуаин эгаллаб туприбди. Иккинчи поғонадаги Леонардо Кампана ҳисобида 16 та тўп бор.

Мессидан олдинги ўринда турган Роберт Тейлор рақиблар дарвозасини саккиз марта аниқ нишонга олган.

Ҳали футбол тарихида ҳеч ким тўртта учрашувда энг зўр тўпурарлар рўйхатига кира олмагани статистик кўрсаткич сифатида эътиборни тортмоқда.