Месси жамоасини ўзгартиришга рози бўлди

Forbes нашри ПСЖ ҳужумчиси Лионель Мессининг келажакдаги режаларини ошкор қилувчи хабарни омма эътиборига ҳавола этди. Маълум бўлишича, аргентиналик юлдуз мавсум якунлангач, жамоасини ўзгартиришга қарор қилган.

Манбанинг таъкидлашича, Месси фаолиятининг катта қисмини ўтказган “Барселона”га қайтишни истаяпти.

Аввалроқ, Каталония клуби мутасаддилари ўз тарихидаги энг зўр ўйинчини ортга қайтариш имконияти борлигини маълум қилганди.

ПСЖ Мессига янги шартнома таклиф қилишга тайёргарлик кўрмоқда. Лекин парижликлар бу юлдузнинг пойтахтда қолишига амин эмас. ПСЖ учун асосий фигура Килиан Мбаппе ҳисобланади.