Месси "ЖЧ-2026"нинг энг яхши ўйинчиси деб топилди

«Федерация комиссияси бу қарорни фақат ва фақат статистик кўрсаткичларга таянилган ҳолда қабул қилди.

Лионель Месси – IFFHS талқинига кўра энг яхши футболчи. Бу кимнингдир шахсий фикри ёки обрўсига эмас, балки рақамлар тақозо қилаётган, инкор этиб бўлмайдиган фактларга асосланган баҳодир», – дейилади хабарда.

Яқинда ўтган жаҳон чемпионати Мессининг фаолиятидаги олтинчи мундиали бўлди. У Аргентина терма жамоаси билан финалгача етди ва барча 8 учрашувда майдонга тушди. 39 ёшли ҳужумчи мусобақа давомида 8 та гол уриб, 4 марта ҳамкасбларига голли пас берди. Шу натижалар асосида у тўпурарлар баҳсида иккинчи ўринни эгаллади. Биринчи ўринни эса Франция терма жамоаси форварди Килиан Мбаппе 10 та гол билан қўлга киритди.