Месси карантиндан кейин аввалги спорт формасини йўқотдими?

"Барселона" форварди Лионель Месси узоқ давом этган карантин унинг спорт формасига таъсир қилмаганини айтди.

“Жисмоний томондан ўзимни жуда яхши ҳис қиляпман. Ўтган вақт мобайнида мен уйда шуғулландим ва бу менга спорт формамни сақлаб туришимга ёрдам берди. Бундай чекловларга чидаш жуда қийин, лекин Антонела ва болаларим ёнимда бўлгани учун вақт завқли ўтди”, - дейди 32 ёшли аргентиналик футболчи.

Месси сўнгги марта 7 март куни майдонга тушган эди. У бу мавсум 31 та ўйинда иштирок этди ва ўз ҳисобига 24 та гол ҳамда 16 та ассист ёздириб қўйишга эришди.