Месси ўзининг рекордини ўзи янгилади

Аргентиналик ҳужумчи Лионель Месси фаолиятидаги 49-совринини қўлга киритиб, футбол тарихида жамоавий совринлар сони бўйича жаҳон рекордини янгилади. Кампеонес кубоги учун ўтказилган учрашувда МЛС вакили “Интер Майами” Мексиканинг “Крус Асуль” клубини 2:0 ҳисобида мағлуб этди ва тарихида илк бор ушбу совринни қўлга киритди.

Ушбу кўрсаткич бўйича иккинчи ўринда фаолиятини якунлаган, Мессининг “Барселона”даги собиқ жамоадоши бразилиялик Дани Алвес бормоқда — 45 та соврин.

Месси 2023 йилдан буён “Интер Майами”да ўйнаб келмоқда. Унинг клуб билан шартномаси 2028 йилгача амал қилади.

Аргентиналик футболчи АҚШ клуби сафида фаолияти давомида барча турнирларда 115 та учрашувда иштирок этиб, 100 та гол урган ва 58 та голли узатмани амалга оширган.