Месси Пеленинг ноёб натижасини йўққа чиқарди

Лионель Месси футбол тарихида Пелега тегишли ноёб натижани ортда қолдирди.

“Интер Майами” ҳужумчиси Лионель Месси МЛС доирасидаги “Нью-Йорк Сити”га қарши ўйинда (3:2) жарима зарбасидан тўғридан-тўғри гол урди.

Бу гол аргентиналик футболчи учун стандарт ҳолатлардан урилган 71-гол бўлди ва у шу орқали Пелени (жарима зарбасидан 70 та гол) ортда қолдириб, тарихда иккинчи ўринга кўтарилди.

Биринчи ўринни ҳали ҳам Жуниньо Пернамбукано эгаллаб турибди. Бразилиялик собиқ футболчи жарима зарбаларидан жами 77 та гол урган.

Бешта ўйиндан кейин “Интер Майами” 10 очко билан Шарқий конференцияда учинчи ўринда жойлашган. “Нью-Йорк Сити” ҳам 10 очко тўплаб, иккинчи поғонада бормоқда.