Месси ПСЖнинг эртанги ўйинида майдонга тушадими? Гальте жавоб берди

Лионель Месси ПСЖ ҳамда "Аячо" жамоалари ўртасидаги баҳсни асосий таркибда бошлайди. 

Бу ҳақда Париж клуби устози Кристоф Гальте хабар берди. 

"Албатта, Лео билан гаплашиб олдим. У қайтди. Мен унинг психологик ҳолатини билиб олмоқчи эдим. Месси мутлақ хотиржам ҳолатда. 

У жуда мотивацияга тўлган ва яна бир соврин ютиб олиш ниятида. Ҳа, у эртага асосий таркибда майдонга тушади", - деди Гальтье.