Месси сариқ карточкалар кўрсатиш бўйича рекорд ўрнатган ҳакамни қаттиқ танқид қилди

Лионель Месси Нидерландия - Аргентина учрашувида (2:2, 4:3) ишлаган бош ҳакам Матеу Лаосни қаттиқ танқид қилди. 

У чорак финал баҳсида жами 15 та сариқ карточка кўрсатиб, турнир рекордини ўрнатди. Лаос ўйин давомида жанубий америкаликларга жами 8 та сариқ карточка кўрсатди. Улар орасида Лео ҳам бор эди. 

"Ғазабланишга сабаб кўп. Ҳаммаси бундай тугамаслиги керак эди. Биз учрашув давомида қўрқиб ҳаракат қилдик. Сабаби, унинг кимлигини яхши биламиз.

FIFA вазиятни қайта кўриб чиқиши лозим. Ҳеч қачон даражаси паст ҳакамни бу каби катта ўйинларга қўймаслик керак", - деди Аргентина терма жамоаси сардори.