Месси тинчлан, биз ҳам тўп тепишни биламиз! (Фото)

Қатардаги жаҳон чемпионатида Аргентина терма жамоаси дастлабки турда Саудия Арабистони футболчиларидан 1:2 ҳисобида мағлубиятга учради.

Бу мундиалнинг энг кутилмаган натижаларидан бўлди. Бош совринда даъвогар бўлган жанубий америкалар Осиё вакилига ютқазди.

Учрашувни ёритган журналистлар камераси Лионель Мессига қаратилди. Саудиялик футболчи ўйиндан кейин уни юпатаётгани камера объективига тушиб қолди.

Лионель Месси учун бу охирги жаҳон чемпионати ҳисобланади. У ўйинда жамоасининг ягона тўпини киритган бўлса-да, бу гол барибир унга татимади.