Месси ватандошларини ярим финал йўлланмаси билан табриклади

"Интер Майами" сардори Лионель Месси 20 ёшли футболчилар ўртасида ўтказилаётган Жаҳон чемпионатида ярим финалга чиққан ҳамюртларини ижтимоий тармоқларда қутлади.

Чилида бўлиб ўтаётган 20 ёшгача бўлган футболчилар ўртасидаги Жаҳон чемпионатининг чорак финалида Аргентина терма жамоаси мексикалик тенгқурларини 2:0 ҳисобида мағлуб этганидан сўнг Месси ижтимоий тармоқларда: "Ярим финалга чиқишингиз билан табриклайман, йигитлар. Тото Силветтини гол ургани билан алоҳида қутлайман", -  дея ватандошларини олқишлади. 

Маълумот учун, Аргентина ёшлар терма жамоаси кичик Мундиалнинг ярим финалида Колумбия билан куч синашади.