Мессидан зўр плеймейкер бор экан...

Халқаро футбол тарихи ва статистикаси федерацияси 2023 йил якунлари бўйича дунёнинг энг зўр плеймейкерлари рейтингини тузди.

Ушбу рўйхатда биринчи ўрин “Манчестер Сити” футболчиси Кевин де Брюйнега тегди. Бельгиялик плеймейкер рейтингда саккиз карра “Олтин тўп” соҳиби, “Интер Майами”га кўчиб ўтган  Лионель Мессини ортда қолдирди.

Учинчи ўрин “шаҳарликлар”нинг яна бир вакили Бернарду Силвага насиб қилди.

Рейтингнинг дастлабки ўн поғонасидан юқоридаги уч футболчидан ташқари Жуд Беллингем (“Реал”), Мартин Эдегор (“Арсенал”), Жамол Мусиала (“Бавария”), Тони Кроос (“Реал”), Педри (“Барселона”), Федерико Вальверде (“Реал”) ва Бруну Фернандеш (“Манчестер Юнайтед”) ўрин эгаллади.