Мессидан зўри бор!

Таниқли италиялик мураббий Фабио Капелло ПСЖ ҳужумчилари Килиан Мбаппе ва Лионель Мессини ўзаро таққослади.

- Месси бутун фаолияти давомида ва бир неча йиллардан бери қилиб келган ишини давом эттирмоқда. У фантастик футболчи. Бир неча йиллар давомида энг зўр ўйинчи бўлиб келган.

Лекин ҳозир Килиан Мбаппе ундан зўр. Чунки у жуда кучли, тезкор ва кўп гол уряпти. Гарчи унда Мессидек “жоду” бўлмаса ҳам, айни пайтда энг яхши футболчи Мбаппедир, - деди Фабио Капелло.

Лионель Месси яқинда “Йилнинг Энг яхши спортчиси” номинациясида ғолиб чиқди. Laureus танловида амалдаги жаҳон чемпиони икки буюк спортчи – Килиан Мбаппе ва теннисчи Рафаэль Надални ортда қолдирди.