Мессига мақтов ёқаркан

“Барселона” сардори Лионель Месси Пелега мурожаат йўллади. Аввалроқ, футбол қироли бир жамоа сафида энг кўп гол уриш бўйича ўзига етиб олган аргентиналик ҳужумчини бу натижа билан табриклаган ва уни мақтаган эди.

- Пеле, мен сизнинг илиқ гапларингиздан мамнунман. Менга жуда ёқди. Бу гапларни буюк футболчи айтгани мен учун жуда аҳамиятли. Сизни бағримга босаман, - деб ёзади Месси ижтимоий тармоқдаги саҳифасида.

Маълумки, Пеле “Сантос” таркибида, Месси эса “Барселона” сафида рақиблар дарвозасига 643 тадан гол урган. Албатта, бу рекордни Месси яна янгилаши ва яққол пешқадамга айланиши кутилмоқда.

Матнда хатолик топсангиз, ўша хатони белгилаб, бизга жўнатинг (Ctrl + Enter)