Мессига пенальти тепишни мен ўргатганман!

Бразилия терма жамоаси машҳур футболчиси Неймар аргентиналик саккиз карра “Олтин тўп” соҳиби Лионель Мессига қандай қилиб пенальти тепишни ўргатганини гапириб берди.

-  Мен Мессига пенальти тепишни ўрганишида ёрдам берганман. Машғулотда эдик, у менга келиб: “Сен қандай қилиб пенальтини бунақа бажаряпсан?” деди. Мен унга “Ақлинг жойидами? Ахир сен Мессисан! Буни мен эплаяпманми, сен ҳам албатта уддалайсан!”, дедим.

Кейин мен унга пенальтини қандай тепишни кўрсатди ва у шу тариқа машқ қила бошлади, - деди Неймар Фабрицио Романо билан суҳбатда.

Таъкидлаш жоизки, халқаро миқёсдаги икки ашаддий рақиб – Бразилия ва Аргентина терма жамоаларининг сўнгги йиллардаги энг ёрқин юлдузлари Неймар ва Месси ўзаро дўст ҳисобланади.

Улар клублар миқёсида “Барселона” ва “Пари Сен-Жермен”да биргаликда тўп тепган. 2023 йилнинг ёзида Месси “Интер Майами”га, Неймар эса, “Ал-Ҳилол”га кўчиб ўтганди.