Мессини 2026 йилги жаҳон чемпионатида кўрамизми? Леонинг ўзи жавоб берди

“Интер Майами” ҳужумчиси Лионель Месси Аргентина терма жамоаси сафида 2026 йилги жаҳон чемпионатида иштирок этиши кўпчиликни қизиқтирмоқда.

Журналистлар саккиз карра “Олтин тўп” соҳибидан бу ҳақда сўрашди.

- 2026 йилги жаҳон чемпионатида қатнашаманми? 2025 йил энди бошланди. Мен ҳам уни катта иштиёқ ва улкан орзулар билан бошладим.

Расмий учрашувларга юқори спорт формасида бўлиш учун тайёргарлик машғулотларини жуда яхши даражада ўтказишдан ва ўзимни тетик ҳис қилишдан умидворман, - деди аргентиналик юлдуз.

Жорий мавсумда Месси жами 22 та учрашувда иштирок этиб, 21 та гол ва 18 та ассист қайд этди. Унинг амалдаги шартномаси 2025 йилнинг охирида тугайди. Айни пайтда “Интер Майами” раҳбарияти 37 ёшли футболчи билан ҳамкорликни узайтириш борасида музокара олиб бормоқда.