Мессини “доди”ни берган ягона футболчи номи маълум бўлди

“Реал” ярим ҳимоячиси Федерико Вальверде “Олтин тўп”ни саккиз марта қўлга киритган Лионель Мессига майдонда жиддий қаршилик кўрсата оладиган ягона футболчи борлигини айтди.

Уругвайлик футболчининг ўзи Мессига қарши ўтказилган баҳсларда унга умуман қаршилик қила олмаганини очиқчасига тан олди.

- Мен ҳеч қачон Леони тўхтата олмаганман. Мессига қарши жуда кўп учрашувларда қатнашганман ва уларда фақатгина Каземиро Мессини тўхтатиб қолишни уддалар эди. Лекин ҳар доим ҳам шундай бўлавермаган.

Лионель Месси жаҳон футболининг энг зўр ўйинчиларидан бири сифатида ҳурматга лойиқ, - деди Федерико Вальверде.